Кошаркарска репрезентацијаРепрезентација

Џејкоб Вајли се врати во македонската репрезентација: „Мотивацијата ми е на највисоко ниво“

Сподели
ФОТО: КФМ
Сподели

Американецот со македонски пасош, Џејкоб Вајли, пристигна во Гевгелија и им се приклучи на своите репрезентативни соиграчи. Повторно ќе го носи дресот на Македонија, откако без размислување го прифати повикот од селекторот Марјан Илиевски.

Враќањето на Вајли доаѓа во клучен момент, кога репрезентацијата има потреба од играч со негови квалитети – физички доминантен, искусен и подготвен да го засили рекетот. Македонија ова лето ќе настапи во претквалификациите за Светското првенство 2027, а Вајли е подготвен да даде максимален придонес.

„Искрено сум пресреќен што по неколку години пауза повторно сум тука. Мотивацијата е на највисоко ниво. Штом стапив во контакт со луѓето од федерацијата, без двоумење прифатив. Особено ми е драго што со мене е и моето семејство, кое ќе може ‘во живо’ да ги следи моите настапи за македонската репрезентација. Едвај чекам повторно да го облечам националниот дрес“, изјави Вајли по пристигнувањето во хотелот „Аполонија“ во Гевгелија.

Во оваа репрезентативна акција, Вајли ќе биде највозрасниот играч во составот, од кого се очекува да ја преземе лидерската улога заедно со Бојан Магдевски и Андреј Мекиќ. Тој е свесен за својата одговорност и подготвен да биде пример за помладите соиграчи.

„Знам дека репрезентацијата е подмладена и тоа е сосема природно. Добро е што младите добиваат шанса да се покажат на сениорско ниво. Очекувам да се воиграме добро, а јас сум тука да помогнам и на теренот и надвор од него. Ќе вложам сè – од енергија на тренинзите до искуство на натпреварите. Подготвен сум да бидам лидер и да помогнам Македонија да стигне до што подобри резултати“, истакна Вајли.

Македонија наскоро ќе ги започне подготовките за претквалификациските дуели, а присуството на Џејкоб Вајли е значаен поттик за целиот тим во пресрет на новите предизвици.

Сподели
Напишано од
Виолета Јанчева -

Виолета Јанчева е поранешна фудбалерка која настапувала за неколку екипи од Првата македонска женска фудбалска лига. Одлично го познава македонскиот фудбал, но генерално и македонскиот спорт.

Не пропуштајте

Останато

Карловарско ја продолжи соработката со македонскиот капитен Никола Ѓоргиев

Капитенот на машката одбојкарска репрезентација на Македонија, Никола Ѓоргиев, и во новата сезона ќе го носи дресот на чешкиот Карловарско, со кој минатата...

Останато

Благодарница за министерот Ристовски за поддршката и придонесот во одржувањето на Скопскиот маратон

Во име на организаторите на Скопскиот маратон, генералниот секретар на Сојузот на спортови на Скопје, Гордана Кузмановска Николовска денеска му врачи благодарница на...

Поврзани написи
РепрезентацијаФудбалска репрезентација

По шесте порази, Македонија чека нова шанса: во петок ждрепка за опстанок во Б-дивизијата

Македонската фудбалска репрезентација ја затвори групната фаза во Лигата на нации без...

✕
error: Содржина е заштитена! Се забранува копирање на истата!