Прогресот на младите ракометари во Еурофарм Пелистер е јасно видлив, а клубот со гордост продолжува да ја наградува довербата на најперспективните играчи со професионални договори и промоција во сениорскиот состав.
Двајца важни членови на младинската екипа, Мелин Фехми и Алдин Фехми, денеска ставија потпис на својот прв професионален договор со битолскиот клуб, со важност до јуни 2029 година.
Мелин Фехми, 16-годишен голман и Алдин Фехми, 18-годишен десен бек, потекнуваат од Кичево, но токму во Битола добија шанса да се развиваат и да настапуваат на највисоко младинско ниво. Со нивна помош, младинската екипа на Еурофарм Пелистер го освои високото четврто место на првото издание на младинската Лига на шампиони.
Браќата Фехми веќе од следната недела ќе му се стават на располагање на тренерот Александар Зарков и ќе започнат подготовки со првиот тим на Еурофарм Пелистер 2 за новата суперлигашка сезона.
