ГФК Охрид Лихнидос го промовира своето ново засилување – 23-годишниот фудбалер Димитриј Димитриевски. Димитриевски, кој игра на крилните позиции, доаѓа од редовите на штипска Брегалница каде што беше важен играч во последните сезони.
Трансфер кој прв го најави Спортска Мрежа пред неколку дена.
Во својата досегашна кариера, Димитриевски запиша повеќе од 40 настапи во Првата македонска фудбалска лига (ПМФЛ), а неговото искуство и квалитет се докажани на највисоко ниво во македонскиот фудбал. Покрај Брегалница, тој има настапувано и за екипите на Кит Го Пехчево и Македонија ЃП, со кои во сезоната 2021/22 го освои Купот на Македонија.
Димитриј е познат по својата брзина, техничка вештина и способност да создава шанси на крилните позиции, што го прави значајно засилување за офанзивниот дел на тимот на ГФК Охрид Лихнидос. Со неговото искуство и енергија, клубот очекува добри резултати во новата сезона.
