Шкендија со активен резултат од 0:0 ќе го пречека велшкиот ТНС во реваншот од првото квалификациско коло на Лигата на шампионите. Натпреварот ќе се одигра на 15 јули (вторник) со почеток од 20:00 часот.
Од УЕФА назначија казахстанска судиска четворка за овој значаен дуел.
Главен судија е Сајат Карабајев, негови асистенти ќе бидат Јуриј Тихонук и Дмитриј Белоградов, а четврти судија е Арман Исмуратов.
Главен ВАР-судија ќе биде Мајкл Сејлсбури од Англија, асистент во ВАР-собата ќе му биде Данијар Саки од Казахстан.
Тетовци ќе ја имаат поддршката на домашната публика и ќе се обидат со победа да обезбедат пласман во второто коло и да продолжат со европската авантура.
