Денес се комплетираше 3. коло од Трета лига – Север, кое беше отворено вчера со триумфот на Тетекс од 2:4 над Зајази, за што веќе информираше Спортска Мрежа.
Во денешното дерби на екс прволигаши Ренова беше декласирана во целост од Напредок од Кичево, откако мечот заврши со триумф од 0:4. Котевски беше двоен стрелец за гостинот од Кичево, а по еден гол постигнаа Исмаили и Мирчески.
Камјани во интересен и неизвесен меч славеше со 3:2 над Вардар Брвеница. Берзати беше двоен стрелец за домашниот тим, а еден гол постигна Мемеди. За гостинот Михајловски беше двоен стрелец.
Новиот третолигаш Доброшти со голот на Бетим Етеми славеше минимална победа на гостински терен над Речица.
Шампионот Влазерими со 2:0 го доби дуелот со Дрита на домашен терен. Албулен Имери во 13. минута погоди за 1:0 на полувреме, а во вториот дел Мирлинд Ибраими ги постави конечните 2:0 за нови три бодови на Влазерими.
Џепчишти со високи и убедливи 0:3 го декласираше Велазерими од Слатино на гостински терен. Синани, Саљиу и Абдии погодија за триумф на Џепчишти.
