Фудбалскиот адреналин повторно се враќа во селото Подареш, општина Радовиш! Пријавите за второто издание на големиот турнир во мал фудбал „Подареш 2025“ се веќе отворени, а оваа година организаторите најавуваат спектакл каков што не сме виделе до сега – со наградeн фонд што надминува 300.000 денари!
Пријавувањето трае до 2 август 2025 година, а може да се пријавите на 078/346-208 кај Александар.
Турнирот ќе се игра по систем 5+1, според футсал правила, а учеството чини 4.000 денари по екипа. За најдобрите следуваат високи парични награди:
🥇 1. место – 150.000 денари
🥈 2. место – 75.000 денари
🥉 3. место – 35.000 денари
🏅 4. место – 20.000 денари
- Дополнително ќе бидат доделени и индивидуални награди (по 5.000 денари) за:
⭐ Најдобар играч
🥅 Најдобар голман
🎯 Најдобар стрелец
🌟 Најдобар млад играч
Ждрепката ќе се одржи на 3 август, а турнирот започнува на 5 август, со големото финале на 27 август 2025. Не ја пропуштајте шансата да бидете дел од најатрактивниот летен спортски настан во регионот! „Подареш 2025“ ветува квалитетен фудбал, незаборавна атмосфера и вистинска спортска магија.
Оваа година, за првпат, Спортска Мрежа е официјален медиумски покровител, кој ќе ви ја пренесе целата енергија и возбуда директно од Подареш! Дополнително најавуваме преноси во ЖИВО на Спортска Мрежа од полуфиналето и финалето.
