Со натпреварот меѓу екипите Рики Срл и ХТМ Про Вин, утре (недела, 15 јуни) точно во 19:40 часот, ќе започне овогодинешниот меморијален турнир во мал фудбал во Лабуништа. Овој спортски настан, кој од година во година добива сѐ поголемо значење, се организира во чест на Башким Салкоски, Шериф Сефиданоски и Беким Бајрамоски.
Зад организацијата стојат Шабан Кормакоски и Амир Јускоски, кои го подготвија турнирот со цел да ја зачуваат спортската традиција на селото, но и да им оддадат почит на луѓето кои оставиле длабока трага во општествениот живот на заедницата.
На турнирот ќе учествуваат 24 екипи, распоредени во шест групи со по четири екипи, а натпреварите ќе се играат според класичните правила на мал фудбал.
Програмата за првите три вечери изгледа вака:
- недела, 15.06.2025
19:40 | Рики Срл – ХТМ Про Вин
20:40 | Нетто Маркети – Бау Путз Мемишоски
21:40 | Анима – Деко Лукс и Ресторан Лабуништа
22:40 | Виена Комерц – Велиоски Градба
- понеделник, 16.06.2025
19:40 | Кафе Бар Лавадо – Идеал рент а кар
20:40 | Балкан Профил – Демо Пласт
21:40 | Мечо Транс – Велешта Јунајтед
22:40 | Сео Пласт – Самир Муртезоски
- вторник, 17.06.2025
19:40 | Бербер Шоп Мухамед – Султан Турс
20:40 | ИВЗ Струга – Минтас Булдинг
21:40 | Бинај – Златара Бени Ерол
22:40 | Електро Промет – Фура Кемо
Турнирот нема да биде само спортски настан, туку и можност за дружење, почит и сеќавање. Организаторите најавија вреден награден фонд:
Прво место – 2.000 евра
Второ место – 700 евра
Трето место – 300 евра
Како медиумски покровител, Спортска Мрежа ќе известува секојдневно од теренот, со резултати, фотографии и видеа од натпреварите, а љубителите на спортот ќе може постојано да бидат во тек со случувањата.
