Овогодинешното издание на Меморијалниот турнир во мал фудбал „Благој Истатов 2025“ во Струмица ветува вистински спектакл.
На турнирот ќе настапат четири групи со по пет екипи, што гарантира неизвесни натпревари, многу погодоци и голема борба за шампионскиот пехар. Победникот ќе освои фантастични 500.000 денари.
- Група А: Гостилница кај Џек, Еклектик, Фурна Марфи, Имплус Радио и ФК Дрвош.
- Група Б: Freith One, Фенербахче, Тобако Лени Плус, Евротип и Серта Конче.
- Група В: Компанија Атанасовски, MaxBet, Еклер Транс, Кеби Моби и Дивино.
- Група Г: Агро Смарт, Хотел Истатов, Струмица, 3 Кетеринг и Црна Река.
Наградниот фонд е распределен на следниот начин:
-
1. место – 500.000 денари
-
2. место – 250.000 денари
-
3. место – 100.000 денари
-
4. место – 50.000 денари
Покрај паричните награди, ќе бидат доделени пехари, медали и спортски реквизити. Посебен дел ќе биде посветен и на младинските категории – јуниорските екипи ќе се натпреваруваат во генерациите 2011/2012, 2013/2014 и помлади.
Турнирот започнува во понеделник, 16 јуни, и ќе се игра на спортскиот терен во Чифлик маало во Струмица.
Спортска Мрежа и оваа година ќе биде медиумски покровител на овој престижен спортски настан, на кој ќе настапат некои од најдобрите екипи од цела Македонија.
