На состанокот на Управниот одбор на Кошаркарската федерација на Македонија (КФСМ), одржан на 22 мај 2025 година, беа донесени одлуки за именување на селектори на младинските кошаркарски репрезентации кои ги очекуваат настапи на европските првенства ова лето.
Оливер Стојмановиќ е именуван за селектор на женската кадетска репрезентација (М16), која ќе настапи на Европското првенство – Дивизија Б што ќе се одржи во Турција.
Женската младинска репрезентација (М18) ќе ја предводи Виктор Петровски на Европското првенство – Дивизија Б во Литванија.
Во машка конкуренција, селекторската позиција на кадетската репрезентација (М16), која ќе се натпреварува на Европското првенство – Дивизија Б во Скопје, му е доверена на Нермин Пепиќ.
Едногласна поддршка од Управниот одбор доби Горан Андреевски, кој ќе биде селектор на младинската машка репрезентација (М18), учесник на Европското првенство – Дивизија А во Србија.
Машката репрезентација до 20 години (М20), која ќе настапи на Европското првенство – Дивизија Б во Ерменија, ќе ја предводи Горан Самарџиев.
Виолета Јанчева, Спортска Мрежа
