Општинскиот фудбалски сојуз (ОФС) Валандово воведува значаен новитет во натпреварувањето од Општинската лига за следната сезона 2025/2026 година.
Победникот на Општинската лига во Валандово ќе биде награден со пехар за освоено прво место, парична награда од 100.000 денари, како и со право на учество во повисок ранг на натпреварување, што е дополнителна мотивација за сите екипи кои ќе се натпреваруваат во сезоната што следува.
Од ОФС Валандово информираат дека ќе обезбедат нормални и фер услови за натпреварување за сите клубови, а сите екипи навремено ќе бидат известени за стартот, распоредот и текот на сезоната 2025/26.
Овој чекор се смета за сериозен поттик во развојот на локалниот фудбал и дополнителен мотив за клубовите од регионот да се организираат, натпреваруваат и стремат кон унапредување и повисок ранг во македонскиот фудбалски систем.
