Во среда на теренот на фудбалската федерација на Македонија во Скопје, ќе се одигра баражот за Првата женска фудбалска лига.
Екипата на Речица ќе бара опстанок во фудбалската елита во женска конкуренција откако заврши на претпоследното деветто место на табелата. Од друга страна, Вардар ќе бара историски влез во Првата лига, а тимот одново заврши на второто место кое води кон баражот.
Вардар и минатата сезона играше бараж, но не го помина откако во Велес загуби од Топ Гол со што битолскиот тим се избори за опстанок.
Вардар сега има нова шанса и поискусен за еден бараж можност да се пласира за првпат во Првата лига. Речица преку баражот ќе се обиде да го избори опстанокот и да биде во елитата и во следната сезона.
Натпреварот ќе започне во 11 часот, а дополнително Спортска Мрежа ќе информира за официјалните лица на натпреварот односно судии, делегат и контролор, а ќе направиме и емисија со најава за овој бараж натпревар.
