Кошарка

Баскет Кам на чекор до нова титулата – нова победа над Крива Паланка

Сподели
ФОТО: КФСМ
Сподели

Актуелниот шампион Баскет Кам забележа и втора победа во финалната серија од плеј-офот против екипата на Крива Паланка, триумфирајќи на домашен терен со резултат 87:74. Со ова, составот од Македонска Каменица поведе со 2-0 во серијата што се игра до три победи, и сега ќе има шанса да ја завери титулата на гостински терен.

За разлика од првиот натпревар, вториот меч понуди многу поефикасна и динамична игра од двете страни. Баскет Кам го отвори натпреварот со висок ритам, што резултираше со водство од 55:44 на полувремето.

Гостинската екипа од Крива Паланка се врати во третиот период, кој го доби со 16:11, намалувајќи ја предноста и задржувајќи надеж за пресврт. Сепак, во последната четвртина домашните кошаркарки повторно го презедоа контролата и веќе по четири минути стигнаа до двоцифрена разлика (73:62), која умешно ја задржаа до самиот крај.

Најзаслужна за победата беше Ивана Кметовска со фантастични 33 поени, додека Адамовска постигна 19, Максимовска 17, а Димова се запиша со 14 поени.

Кај гостинскиот состав, Робинсон беше најефикасна со 26 поени, Мејклејни додаде 20, а Ѓеоргиевска се истакна со 15 поени.

Серијата сега се сели во Крива Паланка, каде Баскет Кам ќе има прва меч-топка за четврта последователна шампионска титула во македонскиот женски кошаркарски шампионат.

Сподели

Не пропуштајте

Ракомет

(ВИДЕО) Кадетите на Младост со голема победа против Куманово – Иванџиков постигна 12 гола, плеј-офот сè поблиску!

Кадетите на РК Младост 1977 од Богданци забележаа значајна победа во Кадетската машка ракометна лига, откако на домашен терен го совладаа Куманово со...

Останато

(ФОТО) Сребро за Македонија во Рига – Елеонора Јосифоска од ЏК Дрим се искачи на победничкиот пиедестал!

Уште еден меѓународен успех за македонското џудо! Младата Елеонора Јосифоска, членка на Џудо клубот Дрим од Струга, освои сребрен медал на меѓународниот турнир...

Поврзани написи
Кошарка

Кошаркарска драма во Гевгелија и Кавадарци, Куманово ја декласираше Струмица

Седмото коло од МТЕЛ кошаркарската Суперлига донесе две неизвесни пресметки во кои...

Кошарка

Од четири порази до три победи: Штип ја продолжи серијата со 103 поени против Скопје

ГКК Штип ја забележа третата последователна победа во МТЕЛ Суперлигата, совладувајќи го...

Кошарка

Гостивар и Вардар во дерби за врвот, Феникс 2010 го брани лидерското место!

Возбудувањата во Првата македонска кошаркарска лига продолжуваат викендов со натпреварите од шестото...

Кошарка

Баскет Дино со три од три на врвот во Аматерската лига – следува дерби со непоразената Шар Планина!

Кошаркарите на Баскет Дино од Кочани продолжуваат со одличните настапи во Аматерската...

✕
error: Содржина е заштитена! Се забранува копирање на истата!