Ракометна репрезентацијаРепрезентација

Распоредот на Македонија за ЕП 2026 е познат – стартуваме против Данска во Хернинг!

Сподели
ФОТО: РФМ | АРХИВА
Сподели

Во Европската куќа на ракометот (ЕХФ) беа извлечени групите за Европското првенство кое ќе се одржи од 15 јануари до 1 февруари 2026 година во Норвешка, Данска и Шведска.

Македонија е дел од групата Б, каде ќе се соочи со силните репрезентации на Данска, Португалија и Романија. Сите натпревари од нашата група ќе се играат во данскиот град Хернинг, во салата „Јуске Банк Боксен“. Македонската репрезентација ќе ги игра своите мечеви на 16, 18 и 20 јануари, а распоредот е следен: Прв натпревар против светскиот првак Данска, меч кој ќе се одигра на 16 јануари, потоа два дена подоцна односно на 18 јануари дуел со Романија, а групната фаза ќе ја затвориме со натпреварот против Португалија, кој е закажан за 20 јануари. Точните часови за натпреварите ќе бидат дополнително објавени.

Данска е апсолутен фаворит во нашата група, дополнително што игра на домашен терен и пред својата публика ќе биде уште една предност за нив и сигурно Данците одат по освојување на првото место. Португалија претставува тежок противник со кој имаме историја, но без досегашни победи. Ќе биде повеќе од силен предизвик да се совлада репрезентацијата на Португалија и така да имаме можност да бидеме втори во групата, бидејќи Романија, пак, е проверен ривал со кој Македонија може да игра рамноправно и би требало во секој случај да триумфираме над Романците.

Од секоја група, најдобрите две селекции ќе обезбедат пласман во следната фаза, која исто така ќе се игра во Хернинг.

Европското првенство ќе биде голем предизвик за нашата репрезентација, која ќе има можност да се докаже на меѓународната сцена. Бранител на титулата е Франција, која на последното ЕП во финалето ја победи Данска, додека третото место му припадна на Шведска.

Групи на Европското првенство 2026:

Група Локација Држави
Група А Хернинг, Данска 🇩🇪 Германија, 🇪🇸 Шпанија, 🇦🇹 Австрија, 🇷🇸 Србија
Група Б Хернинг, Данска 🇩🇰 Данска, 🇵🇹 Португалија, 🇲🇰 Македонија, 🇷🇴 Романија
Група Ц Осло, Норвешка 🇫🇷 Франција, 🇳🇴 Норвешка, 🇨🇿 Чешка, 🇺🇦 Украина
Група Д Осло, Норвешка 🇸🇮 Словенија, 🇫🇴 Фарски Острови, 🇲🇪 Црна Гора, 🇨🇭 Швајцарија
Група Е Малме, Шведска 🇸🇪 Шведска, 🇭🇷 Хрватска, 🇳🇱 Холандија, 🇬🇪 Грузија
Група Ф Кристијансанд, Шведска 🇭🇺 Унгарија, 🇮🇸 Исланд, 🇵🇱 Полска, 🇮🇹 Италија

Македонија ќе има можност да ги покаже своите квалитети и да се бори за место во понатамошните фази од престижниот ракометен турнир.

Сподели
Напишано од
Сања Секулоска -

Сања Секулоска е спортска новинарка во Спортска Мрежа. Секулоска по професија е магистер на економски науки, која започнува од хоби кон новинарството конкретно во ракометот. Секулоска го следи и европскиот ракомет.

Не пропуштајте

Останато

(ФОТО) Сребро за Македонија во Рига – Елеонора Јосифоска од ЏК Дрим се искачи на победничкиот пиедестал!

Уште еден меѓународен успех за македонското џудо! Младата Елеонора Јосифоска, членка на Џудо клубот Дрим од Струга, освои сребрен медал на меѓународниот турнир...

ФудбалЧетврта лига

Локомотива до минимална победа, реми на Тополка и Горски, Плавник го доби Согле

Седмото коло на Општинската фудбалска лига во Велес донесе погодоци на сите мечеви, само на еден меч беше доволно еден гол за да...

Поврзани написи
Кошаркарска репрезентацијаРепрезентација

Естонките ја потврдија доминацијата, Македонија повторно поразена

Естонија уште еднаш ја потврди својата физичка и резултатска надмоќ, овојпат и...

РепрезентацијаФудбалска репрезентација

Македонија У19 не успеа против Швајцарија, фокусот сега е кон Малта

Во вториот натпревар од квалификацискиот турнир во Б-лигата, репрезентацијата на Македонија загуби...

✕
error: Содржина е заштитена! Се забранува копирање на истата!