Екипата на Брегалница со голот на Стефан Бабунски дојде до важна победа од минимални 1:0 над Беласица во рамки на вонредното 28. коло и така останува во трка за влез во Прва лига.
Македонија ЃП останува на врвот од табелата откако Ристе Лембовски постигна гол за минимална победа од 0:1 над Вардар Неготино.
Осогово со 2:0 славеше над Новаци на домашен терен со двата гола на Марио Симоски. Во Автокоманда немаше победник откако Скопје и Победа ремизираа без голови (0:0).
Каменица Саса со 1:4 славеше над испаднатиот Вардарски во Богданци. Брзо „рударите“ имаа 0:3 со головите на Дарко Алексовски, Тони Мичковски и Аднреј Симевски по дваесет минути игра, а во 26. минута Мирон Илиевски дојде до гол за 1:3 на полувреме.
Во вториот дел Давид Голубов постигна гол во 74. минута за конечни 1:4.
Во Радовиш беа постигнат пет гола за победа на Детонит Плачковица од 3:2 над Охрид. Гостите преку Оливер Дишлиевски и Аљтин Лога имаа 0:2 на полувреме, а во вториот дел Александар Смилков со да гола и Сухејб Рушити погоди за конечните 3:2.
Арсими преку пресврт славеше потешко од очекуваното над Борец со 2:4. Панов погоди за 1:0 во 16. минута, а веќе во 24. минута беше 1:1 со гол на Таипи. Во вториот дел Георгиев постигна гол за 1:2 во 52. минута.
Следуваше израмнување преку Флорент Османи на 2:2 во 74. минута, а две минути подоцна Таипи со втор гол обезбеди нова предност од 2:3. Во 87. минута Мустафа ги постави конечните 2:4.
Мечот во Гевгелија крена многу прашина, Башкими преку пресврт со 1:2 славеше над Кожуф. Дуков погоди во 41. минута за 1:0 на полувреме, во вториот дел Мемети постигна гол за 1:1, а во 94. минута Митревски постигна гол за конечни 1:2, откако играчите на домашниот тим само го проследија тоа без воопшто да има реакција.
Веќе реагираше ФФМ, реагираше и министерот за спорт, Борко Ристовски.
