Останато

Струмица повторно на врвот во македонската одбојка – осма титула по ред за шампионот!

Сподели
Сподели

Шампионската титула и оваа сезона останува во Струмица! Екипата на Струмица ја одбрани шампионската титула во машката сениорска одбојкарска лига, откако во четвртиот натпревар од финалната серија го совлада Штип УГД со 3:1 (25:21, 25:19, 16:25, 25:23), за конечни 3:1 во победи.

Ова е осма шампионска титула во низа, а вкупно 12-та во клупската историја за струмичани, кои со тоа ја потврдија својата доминација на македонската одбојкарска сцена.

По поразот во третиот меч во Штип, одбојкарите на Струмица со јасна цел влегоа во дуелот – да стават точка на финалето и да ја заокружат успешната сезона пред својата публика во струмичката сала „Парк“. Успеаја да поведат со 2:0 во сетови со моќна игра, а и покрај падот во третиот сет, успеаја да се вратат и во четвртиот, по голема драма, да ја обезбедат титулата.

 

Штип УГД направи сериозен камбек во завршницата на четвртиот сет, намалувајќи од 13:20 до 21:21, но струмичани беа посконцентрирани и ја искористија првата меч-топка за големо славје во салата „Парк“.

„Имав чест да бидам дел од уште една историска победа на нашите одбојкари од ОК Струмица, кои со пожртвувана и маестрална игра – и покрај сите неправди, притисоци и обиди за обесхрабрување – ја обезбедија титулата шампиони на Македонија! Овој успех е плод на континуирана работа, силна мотивација и беспрекорна тимска хемија. Честитки до секој играч, до стручниот штаб и до верната публика која беше вистински играч повеќе! Горд сум што Струмица останува препознатлива по спортот, победите и заедништвото“, истакна градоначалникот на општина Струмица, Костадин Костадинов, кој синоќа беше во салата „Парк“.

Најефикасен кај шампионот беше Нилсен со 26 поени, Кинтеро додаде 15, а Лепидовски осум. Кај Штип УГД, Задмард реализира 21 поен, Багаев 18, а Гомез осум.

Како утеха за штипјани останува трофејот од Купот на Македонија, кога во големото финале кое се играше во Радовиш екипата на Штип УГД со 3:0 во сетови ја доби Струмица, па така и двете екипи ја завршуваат сезоната со по една круна – вистинска потврда дека се најдобрите во македонската одбојка.


Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Останати репрезентацииРепрезентација

Скопје домаќин на Европското сениорско првенство во кик бокс, Македонија со 33 натпреварувачи ќе атакува на медал

Во Скопје вчера во попладневните часови свечено беше отворено Европското сениорско првенство во кикбокс.  Натпреварите се одржуваат во спортскиот центар „Јане Сандански“, а...

Останато

Ева Митевска испиша историја во Дакар, осмо место во финалето на 100 метри!

Македонската атлетичарка Ева Митевска забележа значаен успех на Младинските олимписки игри во Дакар, Сенегал, откако обезбеди место во финалето на трката на 100...

Поврзани написи
Останато

Ева Митевска испиша историја во Дакар, осмо место во финалето на 100 метри!

Македонската атлетичарка Ева Митевска забележа значаен успех на Младинските олимписки игри во...

Останато

Марко Алексовски вицешампион на јуниорскиот турнир во Атина

Младиот македонски тенисер Марко Алексовски (15 години) оствари одличен резултат на јуниорскиот...

Останато

(ФОТО) Радовиш има нови шампиони! Team Carvalho освои десет златни и еден сребрен медал на Државното првенство!

Одличен настап, бројни медали и уште една потврда за квалитетната работа со...

Останато

(ФОТО) Штип УГД ја освои Струмица: Шампионот славеше во големото одбојкарско дерби по вистинска драма!

Актуелниот македонски одбојкарски шампион Штип УГД продолжува со максимален ефект во новата...

✕
error: Содржина е заштитена! Се забранува копирање на истата!