Струга направи изненадување откако на домашен терен го победи Пролет со 22:20 во ракометниот плеј-аут.
Стружани имаа одличен почеток откако на почеток од мечот имаа предност од плус пет при 6:1, но и покрај тоа не успеаја да го одржат резултатот и дозволија пресврт, па на полувреме резултатот гласеше 9:10 за Пролет.
Во вториот дел се играше гол за гол, а Струга имаше и плус три при 17:14, а потоа и при 20:17 и 22:19, а конечниот исход беше 22:20.
Од таборот на Струга најмногу погодија Лазар Ристиќ, кој имаше седум гола и Александар Стојков кој имапе шест реализации, кај Пролет најпрецизен беше Андреј Стојановски со пет погодоци.
Директно испаѓање од лигата нема да има бидејќи Борец ФЛ го исфрлија од натпреварување, па така битката ќе биде да се избегне претпоследното место кое води кон баражот.
Утре, Радовиш во СРЦ „25 Мај“ ќе игра против Куманово и ќе бара победа со цел да се израмни со Струга, а Куманово сигурно дека ќе сака победа против Радовиш во гости со цел да може да биде сигурен со 11 бодови.
