Поранешниот македонски ракометен репрезентативец, Филип Лазаров, ја продолжи својата соработка со германскиот клуб Интерактив Ратинген, потпишувајќи нов договор што ќе му овозможи да ја започне осмата сезона во клубот.
Лазаров, кој во клубот дојде како играч, а подоцна ја презеде тренерската улога, успешно го водеше тимот до две промоции во повисок ранг во последните три години, со што Интерактив Ратинген сега се натпреварува во Третата Бундеслига.
„Ова ќе биде моја осма година во клубот – и јас сум среќен поради тоа. Токму затоа мојата мотивација и чувството за одговорност беа постојано високи. Главната причина поради која продолжувам е успешната сезона, која сè уште трае. Се чувствувам како да почнавме да пишуваме нова успешна приказна – и сакам да продолжам да бидам дел од неа“, изјави Лазаров.
Со новиот договор и позитивниот импулс што го носи успешната сезона, Лазаров се надева дека со искуството и тимската работа ќе успеат да обезбедат опстанок во Третата Бундеслига за сезоната 2025/2026.
Виолета Јанчева, Спортска Мрежа
