Најтрофејниот македонски фудбалски клуб, ФК Вардар, конечно стави крај на долгогодишната финансиска блокада. Од клубот информираа дека сметката на клубот од 9 април 2025 година е целосно одблокирана, со што Вардар по цели осум години повторно функционира нормално и во согласност со сите законски прописи.
„Се информира јавноста дека сметката на АД ФК Вардар од 09 април 2025 година е одблокирана, со што клубот после цели осум години повторно функционира по сите законски норми и прописи“, стои во соопштението од клубот.
Оваа важна вест доаѓа како резултат на последователна исплата на обврски и расчистување на долгови во вредност од 31 милион денари кон неколку физички и правни лица, вклучувајќи и поранешни фудбалери и соработници.
Дарко Панчев – 4.134.855.00 денари.
Владица Брдароски – 8.759.744.00 денари.
Бендџамин Демир – 6.100.000.00 денари.
Михајло Костиќ – 8.834.415.00 денари.
Александар Игески – 935.353.00 денари.
Фитнес Инфинити – 2.014.562.00 денари.
ЕАМ ДОО Штип – 263.006.00 денари.
Со ова, Вардар прави огромен чекор напред кон стабилизирање на својата состојба и поставување на темели за посветла и поорганизирана иднина. Останува да се види како оваа финансиска слобода ќе се одрази на спортскиот дел и амбициите на клубот во наредниот период.
Виолета Јанчева, Спортска Мрежа
