Искусниот играч од средниот ред Бојан Најденов е нов играч на второлигашот Кожуф од Гевгелија.
33-годишникот ќе биде големо и капитално засилување за тимот на Филип Деспотовско за продолжението од сезоната во Втората македонска фудбалска лига, во која дефинитивно Кожуф сериозно ќе се вмеша за врвот од табелата.
Најденов последно настапуваше за Локомотив Кашкент од Узбекистан, претходно настапуваше за Брера Струмица во два наврати, Навбахор од Узбекистан, Искра од Црна Гора, Љачи од Албанија, Смуха во Египет и Естегал од Иран, екипа со која го освои иранскиот Куп, и иранскиот Суперкуп.
На домашната сцена настапуваше и за Хоризонт Турново, Работнички, Вардар и Кожуф.
Во новата сезона екипата на Кожуф тргна со реми против Саса и триумф над Вардарски во дербито на Југот во Богданци, а веќе утре на домашен терен ќе игра против Осогово од Кочани.
Александар Ванев, Спортска Мрежа
