По четири одиграни кола во Првата женска фудбалска лига, фудбалерката на Каменица Саса, Ана Димитровска и понатаму е најдобар стрелец со девет постигнати погодоци.
Тчеури Харуми Гоја која настапува за Тиверија Брера од Струмица и понатаму е втора, меѓутоа сега има седум погодоци на своето конто. На третото место е Билјана Панеска, исто така од Тиверија Брера, а потоа со четири погодоци следува Сара Евтинџиоска од Скопје 2014.
Радица Велкова која го носи дресот на Каменица Саса има постигнати три погодоци.
Десет фудбалерки имаат постигнато по два погодоци, а во листата на стрелци со по еден гол се запишаа 21 фудбалерка, меѓу нив и голманката на Тиверија Брера, Викторија Панчурова.
