Прва лигаФудбал

Почина фудбалерот на Шкупи, Андреј Лазаров

Сподели
Сподели

За жал почина младиот фудбалер Андреј Лазаров, откако им подлегнал на поредите додека бил хоспитализиран во болница.

Првично беше објавено дека се бара Андреј Лазаров, а потоа од ФК Шкупи за кој настапуваше Лазаров преку соопштение информираа дека тој е хоспитализиран во болница, но 25-годишниот фудбалер не издржа и за жал почина.

Прволигашот Шкупи преку ново соопштение ја потврди смртта на фудбалерот Андреј Лазаров, кој е меѓу жртвите во кочанска дискотека која ноќеска се запали.

„Иако претходно имавме информации од неговото семејство дека е во стабилна состојба, со длабока болка и огромна тага ја споделуваме веста дека нашиот фудбалер, Андреј Лазаров, е потврден како една од жртвите во трагичниот пожар што се случи во текот на ноќта во Кочани. Како херојска душа што беше, Лазаров го загуби животот обидувајќи се да им помогне на другите да се спасат од просторот зафатен од пожар. Тој се задуши од чадот за време на неговите обиди да спаси животи, покажувајќи храброст и хуманост до последниот момент. Неговиот херојски чин засекогаш ќе остане во нашето сеќавање, како сведоштво за неговиот благороден карактер и неговото големо срце. Ова е огромна загуба за нашиот клуб, за неговите соиграчи и за целата фудбалска заедница. Зборовите се мали за да ја опишат болката што ја чувствуваме во овие моменти, во оваа трагедија – една од најголемите во која е погодена нашиот клуб во неговата историја. ФК Шкупи изразува најискрено сочувство до неговото семејство, неговите блиски и целото големо семејство на нашиот клуб. Андреј беше дел од Шкупи само шест месеци, но неговото име засекогаш ќе остане неизбришлив дел од нашиот тим. Споменот за него ќе живее вечно во нашите срца“, се вели во соопштението на ФК Шкупи.

Во својата кариера Лазаров покрај за Шкупи настапуваше и за екипите на Горица и Рудеш од Хрватска, беше дел од Тиквеш, како и од Работнички и Металург.

Последниот негов натпревар за Шкупи го одигра во саботата, кога на Чаир екипата на Шкупи загуби со 0:1 од Пелистер, а Лазаров влезе во игра во 61. минута.

Александар Ванев, М-Нет

Сподели

Не пропуштајте

ФудбалФудбалска репрезентација

Репрезентацијата на Македонија се собра и ги започна подготовките за мечевите со Лихтенштајн и Велс

После големата трагедија која се случи во Кочани, каде животот го загубија 59 лица, репрезентативците на Македонија денес се собраа во Скопје на...

Останато

Новак Ѓоковиќ искажа сочувство за големата трагедија во Кочани

По големата трагедија која се случи во Кочани, каде што по пожарот во дискотеката животот го загубија најмалку 59 лица, најдобриот тенисер на...

Поврзани написи
Трета лигаФудбал

Игор Ѓорѓиев најдобар стрелец во Трета лига – Исток, кои играчи може да го стигнат?

Изминатиот викенд беше отворен пролетниот дел на Трета лига – Исток со...

Трета лигаФудбал

Три екипи ќе водат неизвесна и рамноправна борба во Трета лига – Југ за баражот за Втора лига

Третата фудбалска лига – Југ ќе биде еден од неизвесните региони каде...

error: Содржина е заштитена! Се забранува копирање на истата!