Од Кошаркарската федерација на Македонија преку соопштение информираат дека се одложени сите натпревари од сениорски и младински лиги кои беа закажани за денес, поради тратедијата која се случи во Кочани.
Ноќеска во Кочани се запали дискотека во која животот го загубија најмалку 51 лице.
„Длабоко сме потресени од трагичната несреќа во Кочани во која животот го загубија десетици млади луѓе. Во овие тешки моменти, нашите мисли и милитви се со семејствата и блиските на настраданите. Изразуваме најискрено сочувство и поддршка. Поради големата трагедија во Кочани, сите натпревари од сениорски и младински лиги закажани за денес, 16.03.20225, недела се одложуваат“, се вели во соопштението на Кошаркарската федерација на Македонија.
Денес простор за спорт нема и сите натпревари и спортски настани се откажани.
