Актуелниот освојувач на одбојкарскиот Куп на Македонија, Штип УГД, синоќа на домашен терен со 3:1 во сетови го доби конкурентот за титулата, актуелниот шампион Струмица.
Тренерот на Штип УГГД, Кристиан Ристески во изјава за Спортска Мрежа истакна дека покажале победнички менталитет, притоа додава дека време за одмор нема и дека веќе се насочени кон следниот меч со Работнички.
„Морам да признаам дека не го одигравме натпреварот онака како што посакувавме и онака како што се спремавме. Радува фактот дека и покрај сè, покажавме победнички менталитет и го добивме натпреварот со 3:1, резултат кој моментално нè избива на првото место на табелата. Време за одмор нема, веќе во сабота ни следи доста важен натпревар против Работнички на гостински терен, за кој мораме добро да се подготвиме и да одиграме на високо ниво доколку сакаме да извојуваме победа, а со тоа и да го задржиме првото место на табелата“, изјави тренерот на Штип УГД, Кристиан Ристески за Спортска Мрежа.
Штип УГД оваа сезона атакува на освојување на двојната титула.
