Денес се играат натпреварите од 23. коло на Првата македонска фудаблска лига, а ова рунда ќе се комплетира утре со натпреварот меѓу Работнички и Тиквеш.
Денес во Кратово се игра дербито меѓу Силекс и Вардар, каде ќе има голема фудбалска борба за трите бодови. Силекс сака да ја донесе титулата во Кратово, а Вардар сака сигурен опстанок во Прва лига.
- ВО ЖИВО: СИЛЕКС – ВАРДАР:
Денес се игра и езерското дерби меѓу шампионот Струга Трим Лум и Воска Спорт од Охрид. Ова е дуел каде стружани ќе бараат нова победа во трката за места во Европа и посериозно да се вмешат во трката за одбрана на титулата, од друга страна Воска Спорт сака позитивен резултат во целта – опстанок во Прва лига.
- ВО ЖИВО: СТРУГА ТРИМ ЛУМ – ВОСКА СПОРТ:
Во Тетово ќе се одигра дуелот меѓу поранешниот шампион Шкендија и Пелистер од Битола. Домаќинот после големиот пораз од Струга покрај езерото сака брзо да го заборави тој пораз и да се врати на победите, а пак Пелистер и со реми ќе биде задоволен од за нив тешкото гостување во Тетово.
- ВО ЖИВО: ШКЕНДИЈА – ПЕЛИСТЕР:
Брера Струмица нема пролетен триумф во Првата лига, а денес има одново тешко гостување против фаворитот Гостивар. Интересно е тоа што овие две екипи играа во вторникот во Струмица кога Гостивар со гол во 89. минута обезбеди три бода, а сега на стартот од третиот круг веднаш се погодија двете екипи, но сега во Скопје.
- ВО ЖИВО: ГОСТИВАР – БРЕРА СТРУМИЦА:
Беса ќе ја бара првата пролетна победа во Првата лига на Чаир, каде ја очекува тешко гостување против тимот на Шкупи. Тимот од Добри Дол има повеќе од тешка мисија да го избори опстанокот во Првата лига, но на дебитантот во фудбалската елита на Македонија му оди тешко и од меч во меч ќе мора да бара бодови. Шкупи пак е во средината од табелата, во минатото коло загуби во финишот од мечот во Кавадарци од Тиквеш и ќе сака враќање на победите пред својата публика.
- ВО ЖИВО: ШКУПИ – БЕСА:
Сите пет натпревари од 23. коло на Првата лига започнуваат во 14 часот.
