Фудбаслкиот терен во Куклиш со години беше запуштен, обраснат со трева и дрвја, затрупан со ѓубре, комплетно беше уништен во секој сегмент и сведочеше дека некогаш тука се играло фудбал, особено по згаснувањето на некогашниот фудбалски клуб Академија Кукла.
Но, како што веќе објави Спортска Мрежа фудбалот во Куклиш се врати преку новиот фудбалски клуб Интер Кукла. Раководството на овој клуб со многу љубов, желба за промени го вратија фудбалскиот терен во вистински сјај, овозможувајќи услови за тренирање и одигрување на натпревари.
Теренот е комплетно искосен и обележен, ѓубрето собрано, соблекуваните реновирани, обезбедени реквизити потребни за тренинг, со што младите фудбалери на ФК Интер Кукла ќе имаат одлични услови за тренирање и одигрување на натпреварите.
„Од запустен хаос до нов дом на фудбалот! Кога го презедовме овој терен, беше заборавен, затрупан со ѓубре, обраснат со трева и дрвја. Но, не дозволивме тоа да нè спречи! Со труд, љубов и заедничка посветеност, го вратиме животот на овој стадион. Сега е чист, среден и подготвен да биде местото каде што младите ќе растат со спортот, каде што ќе се раѓаат нови победи и каде што повторно ќе се чуе звукот на фудбалската магија! Ова е само почеток – иднината ја градиме заедно“, вели Васко Панов од ФК Интер Кукла.
