Овој викенд ќе започне пролетниот дел од Трета лига – Запад со натпреварите од 13. коло, кое ќе треба да се докомплетира.
13-тата рунда или последното есенско коло не е комплетирано, тогаш Тетекс со 1:0 ја совлада Речица во меч кој се одигра во саботата, а потоа снегот и обилните врнежи од дожд ги отежнаа условите за игра и се одлични да се комплетира колото токму овој викенд.
Зајази на домашен терен ќе игра против Влазерими, Џепчиште на домашен терен ќе го пречека Камјани, соочување на Дрита и Ренова во Боговиње, Доброшти против Љуботен, а пак Вардар во Брвеница против кичевски Напредок.
Тетекс е на врвот од табелата со 32 бодови, четири повеќе од Влазерими кој е втор и кој има 28 бодови, но Влазерими има меч помалку. Доколку тимот од Кичево викендот ја оправда фаворитската улога тогаш ќе дојде на само еден бод негатива од Тетекс. Овие две екипи веќе во следното коло ќе се соочат во директен дерби дуел во Тетово.
Тетекс и Влазерими ќе бидат екипи кои ќе водат борба да бидат шампиони во Трета лига – Запад и да играат во баражот за можен влез во Втора лига.
Минатата сезона Тетекс испадна од Втора лига и сега сака експресно враќање, а пак Влазерими две сезони по ред е шампион во Трета лига – Запад и две сезони по ред не може да ги помине баражите, првиот пат загуби од Башкими, а минатата година од Борец.
Спортска Мрежа повеќе од две години преку емисии, прилози и анализи посочува дека баражите треба да бидат минато, а да се овозможи директен влез на шампионите од Трета во Втора лига.
