Саса со моќна игра ја декласираше Брегалница со четири гола, Победа ги шокираше „лавовите“, Башкими слави голема победа!

Каменица Саса го одигра еден од најдобрите натпревари оваа сезона, откако на стадионот „Кукуш“ во Турново со 4:0 ја декласираше Брегалница и комплетно ја надигра во секој сегмент од играта.

„Рударите“ предводени од Сашо Велиновски беа повеќе од одлични на денешниот меч и практично во сите три зони покажаа одличен фудбал, а Брегалница во секоја зона мака мачеше со чести грешки во играта што резултираше со два брзи гола во финишот на првиот меч откако Кристијан Таневски во 41. минута погоди за 1:0, а потоа и Андреј Симевски постигна гол за 2:0 на полувреме.

Тренерот на Брегалница, Трајче Сенев се одлучи да менува на полувреме и ги стави во игра Абази и Глиров, а ги повлече Ѓоргиев и Чилафи, но ниту тоа не вроди со плод, Брегалница не можеше да најде начин да изгради сериозна шанса и да направи сериозне притисок, честите грешки при додавањата особено и во одбраната тоа паметно го користеше Саса. Во 77. минута најдобриот стрелец на Каменциа Саса и втор најдобар стрелец во Втора лига, Андреј Симевски, капитенот на тим кој денес слави роденден постигна втор гол за 3:0, со што Серафимов по третпат капитулираше.

Во игра влезе и новото засилување Давид Голубов кој во финишот од мечот постигна гол за конечни 4:0 со што комплетно се „распадна“ Брегалница која денес го одигра својот најлош натпревар во тековната сезона, оваа денешно бледо издание Брегалница го наплати со тоа што го загуби второто место и сега е на третото место на табелата и ќе следува навистина тежок предизвик за да се врати во Прва лига.

Каменица Саса сега е во позиција не само што ќе напаѓа за четврто место туку амбициите и апетитите растат и ќе прават притисок  за третото место и баражот за Втора лига, а има и зошто, одличната игра и добрите резултати се јасен сигнал за тоа.

Осогово никако да победи и таа тешка борба на тимот се сведува на задоволување само со бод, откако и денес одигра 0:0 против Кожуф на домашен терен и доби само бод во таа жилава борба за „жетварите“ за опстанок. Ќе биде навистина тешко за Осогово во пролетниот дел, а како тргнало опстанокот на директен начин ќе станува невозможна мисија.

И Борец низ слична ситуација, никако да победи, па и денес со бод требаше да се задоволи откако одигра 1:1 против Новаци во гостин. Милан Чичевски постигна гол за 0:1 на полувреме и водство на полувреме, а во вториот дел Новаци доби два пенали, од кои еден реализиараше преку Стефан Јовановски за конечни 1:1, откако едниот пенал не го искористи Новаци за пресврт.

Вардар Неготино со победа од 2:0 на домашен терен против Скопје оди чекор напред кон рано обезбедување на опстанок во Втората лига и со тоа мирна завршница од сезоната. Новото засилување Глигор Шиков погоди во 31. минута за 1:0 на полувреме, а во вториот дел Мартин Младеновиќ постигна гол за конечни 2:0.

Охрид преку пресврт го забележа првиот пролетен триумф совладувајќи ја Беласица на домашен терен со 2:1. Повратникот Александар Коцев во 8. минута погоди за 0:1 на полувреме, а во вториот дел Оливер Дишлиевски постигна два гола за конечни 2:1 на „Билјанини Извори“.

Башкими го доби големото дерби против Арсими на домашен терен, дерби за прва лига и дерби каде императивот за трите бодови беше огромен. По 0:0 на полувреме, на стартот од вториот дел Башкими преку Хебиб Саити дојде до предност од 1:0, а во 79. минута Ардит Демири постигна гол за 2:0. Во финишот од мечот Арсими преку Ајрадин Цуцули го ублажи поразот на конечни 2:1.

Победа на домашен терен преку пресврт го шокираше лидерот Македонија ЃП, кој запиша втор пораз во низа откако резултатот во Прилеп беше 2:1. Ѓорги Дошев постигна гол за 0:1, а во вториот дел Леонид Кофилоски и Филип Димоски направија пресврт за конечни 2:1 и голем триумф за Победа.

Детонит Плачковица го декласираше „фенерџијата“ Вардарски со 1:4 во Богданци и со тоа му става печат на Вардарски за „виза“ која го носи тимот назад во Трета лига – Исток.

Сите четири голови радовишани ги постигнаа во првиот дел, откако двапати погоди Дамјан Масевски, а по еден гол постигнаа Давид Јошески и Александар Смилков. Во вториот дел Вардарски преку Мирон Илиевски ги постави конечни 1:4. Со вакви игри во пролетниот дел Вардарски е далеку од тим за бараж, а не пак за директен опстанок. Дефинитивно Богданци од следната сезона одново ќе следи третолигашки фудбал, а ова ќе биде само епизодна улога на Вардарски во Втората лига после враќање од 27 години.

• ЦЕЛА ТАБЕЛА ОД ВТОРА ЛИГА: