Традиционално, ГРК Охрид и општина Охрид, го најавија Меѓународниот ракометен турнир „Крсте Андоновски“. Имено, турнирот ќе се одржи од 19 до 23 Август, во спортската сала „Билјанини Извори“.
Годинава, турнирот ќе го има своето четврто издание, ќе трае пет дена, а учество ќе земат осум екипи- поделени во две групи.
Ланскиот турнир го освои екипата на Вардар, откако во финалето славеше против Алкалоид со резултат од 25:23.
Останува да видиме кои се останатите седум екипи кои ќе учествуваат оваа година, покрај домаќините, како и кој ќе биде освојувач на турнирот во „Билјанини Извори“ во текот на ова лето.
