Селекторот на А репрезентацијата на Македонија, Благоја Милевски го објави списокот со повикани фудбалери за претстојните натпревари од квалификациите против Лихтенштајн на 22. март и против Велс на 26. март.
На списокот на селекторот Благоја Милевски за двата меча се наоѓаат голманите Столе Димитриевски, Дејан Илиев, Дамјан Шишковски и Игор Алексовски.
Во одбраната се Никола Серафимов, Јован Манев, Езѓан Алиоски, Бојан ДИмоски, Стефан Ашковски, Андреј Стојчевски, Висар Муслиу, Бојан Илиевски и Ѓоко Зајков, во средниот ред се капитенот Енис Барди, Јани Атанасов, Елиф Елмас, Исник Алими, Давид Бабунски, Тихомир Костадинов и Агон Елези, а во нападот се Бојан Миовски, Милан Ристовски, Дарко Чурлинов, Лирим Ќамили, Александар Трајковски, Кристијан Трапановски и Лука Станковски.
