Осогово на тешкото гостување во Автокоманда успеа да извлече бод откако одигра 0:0 против Скопје и со тоа освои голем бод во тешката мисија за опстанок во Втора лига.
„Жетварите“ водат голема борба за опстанок, а шефот на стручниот штаб на тимот од Кочани, Крсте Крстев вели дека се задоволни од освоениот бод, додова дека тоа ќе им биде мотив за освојување на уште бодови за опстанок.
„Како прво, благодарност до домаќините за коректниот однос од почеток до крај. Од освоениот бод, секако дека сме задоволни сите и очекуваме да ни биде мотив за освојување уште бодови, за да успееме во целта наречена опстанок“, вели Крстев.
Осогово во првите две кола од пролетниот дел гостуваше, па практично првиот пролетен меч ќе го одигра овој викенд на домашен терен против Кожуф, каде тимот на Крстев гледа само една цел, триумф против тимот од Гевгелија, во секој друг случај Осогово ќе направи чекор назад за опстанок во Втора лига.
