Минимална победа од 0:1 за екипата Света Троица која беше минимална подобра на пријателскиот меч со Славеј, меч кој се одигра на теренот во Мешеишта. Стрелец на единствениот победнички гол за охридскиот третолигаш беше Васко Настески.
Ова беше тест меч каде и двете екипи ја проверуваа формата пред почетокот на пролетната полусезона во Трета лига – Југозапад. Двете екипи кои се новајлии во овој третолигашки регион имаат за цел да го изборат опстанокот порано и да имаат мирна завршница од сезоната.
Стартот на пролетниот дел е закажан на 9. март, а во рамки на првото пролетно коло Света Троица на домашен терен ќе игра со Сатеска од Волино, екипа која претендира за освојување на првото место и баражот за можен влез во Втора лига, а пак Славеј отвара во Мешеишта на домашен терен против Велешта.
