Денес и утре се игра 5. коло на плеј-офот од женската ракометна Суперлига во вонреден термин.
Вардар денес во 17 часот ќе се соочи со Чаир во меч каде гостинот ќе биде фаворит за нов триумф, судиска двојка на овој меч ќе биде Виктор Андонов и Стојанче Јовановски од Скопје.
За 15 минути подоцна ќе започна натпреварот меѓу Куманово и Астибо, каде двете екипи ќе водат борба на теренот за прва сезонска радост. Куманово има еден бод од ремито со Вардар, а пак Астибо има четири порази во низа.
Судиска двојка на овој натпревар ќе биде Виктор Терзиевски и АНдреј Јорданов од Скопје.
Во четврток од 16 часот ќе се одигра дербито меѓу Металург Автокоманда и шампионот Ѓорче Петров, каде „лавиците“ ќе атакуваат за пет од пет, а пак Металург Автокоманда ќе бара победа, после поразот во претходото коло од Чаир.
Методија Илиевски и Михајло Илиевски од Битола ќе бидат задолжени за правдата.
