Во Народниот теадар во Битола се одржа 61. издание од манифестацијата „Избор на најдобри спортисти на Битола за 2024 година“, каде ракометарот на Еурофарм Пелистер, Филип Кузмановски беше избран за спортист на Битола за 2024 година.
Кузмановски со Еурофарм Пелистер ја освои домашната титула, а со клубот се натпреварува и во Лигата на шампиони.
Второто место му припадна на боксерот Ален Мустемовски, а пак кикбоксерката Леа Бошеска беше трета.
За најдобра екипа за 2024 година беше прогласен ракометниот клуб Еурофарм Пелистер, боксерскиот куб Пелистерски јунак беше втор, а пак кошаркарскиот клуб Пелистер трет.
Анте Костелиќ, Ѓуро Илиќ, Абудал Јосифовски и Златко Пацековски добија плакети за ветерани на спортот односно за животно дело.
Поголем број на благодарници беа доделени на најдобрите младинци во 2024 година, признанија на младински екипи, посебни признанија.
