Откако заврши репрезентативната пауза в недела ќе се одиграат натпреварите од 5. коло на Првата македонска фудбалска лига, а со тоа се познати и судиите кои ќе ја делат правдата на сите шест прволигашки натпревари, кои ќе започнат во 15 часот.
Фуркан Идризи ќе биде задолжен за правдата на Националната арена меѓу Работнички и освојувачот на Купот екипата на Тиквеш, Александар Василевски ќе патува во Струмица каде ќе им суди на Брера и Беса, Александар Ставрев ќе биде задолжен за правдата меѓу повратникот во елитата Пелистер и шампионот Струга Трим Лум.
На Чаир се игра мега дерби пресметката меѓу лутите ривали Шкупи и Шкендија, а задолжен за правдата ќе биде Александар Грујоски, Стојанче Трпчевски ќе патува во Охрид каде ќе се соочат Воска Спорт и Силекс, а пак Димитар Пилешков ќе им суди на Гостивар и Вардар на стадионот „Борис Трајковски“ во Маџари.
- ДЕЛЕГИРАНИ СУДИИ 5. КОЛО ПРВА ЛИГА:
Работнички – Тиквеш, Фуркан Идризи (Тетово)
Брера Струмица – Беса, Александар Василевски (Скопје)
Пелистер – Струга Трим Лум, Александар Ставрев (Скопје)
Шкупи – Шкендија, Александар Грујоски (Кичево)
Воска Спорт – Силекс, Стојанче Трпчевски (Кавадарци)
Гостивар – Вардар, Димитар Пилешков (Штип)
