Екипата на МЗТ Скопје Аеродром е новиот освојувач на Купот на Македонија, откако во финалето го совлада домашниот тим Кожув од Гевгелија со резултат 61:85. Аеродромци одиграа сигурен натпревар и заслужено стигнаа до трофејот, додавајќи уште еден успех во својата богата историја.
Финалниот меч донесе голема борба, но МЗТ покажа поголема смиреност и квалитет во клучните моменти. Најдобар играч на натпреварот беше Андреј Маслинко, кој со 17 поени го предводеше својот тим до победата, додека Крстевски постигна 16 а Војдан 12 поени.
Иако Кожув имаше поддршка од домашната публика, не успеа да го спречи шампионскиот карактер на МЗТ. Тимот од Аеродром во второто полувреме ја зголеми предноста и рутински го водеше натпреварот кон победа.
Со овој триумф, МЗТ Скопје ја потврди својата доминација на домашната сцена и покажа дека останува еден од најдобрите кошаркарски колективи во земјата.
Во домашниот тим најефикасен беше Стевановиќ со 20 поени, а по 12 имаа Вилсон и Пилепиќ.
Виолета Јанчева за Спортска Мрежа
