Прволигашот Проект за пролетната полусезона од Првата футсал лига на Македонија претстави три квалитетни засилувања, се работи за Горан Стојанов, Филип Лазаров и Наум Блажевски.
24-годишниот Стојанов ќе биде големо засилување за тимот од Валандово, радовишанецот во минатото настапуваше за второлигашот Детонит Плачковица, а беше дел и од Серта.
27-годишниот Блажевски доаѓа од редовите на Црна Река од Кавадарци каде настпауваше изминатата полусезона, а како фудбалер има настапувано и за Хоризонт Турново, Академија Пандев сега Брера Струмица, Беласица, Кожуф, Василево, Детонит Плачковица, Тиверија и Дојранско Езеро.
Лазаров кој има 21 години, настапуваше за екипата на Црна Река во есенската полусезона, а исто така во пролетниот дел ќе настапува и за третолигашот Тиверија, откако во есенскиотдел беше во тимот на Хоризонт Турново. Има настапувано и за Беласица и АП Брера Струмица.
Проект утре Бутел на гостински терен во Скопје ја отвара пролетната полусезона во Првата футсал лига, натпревар од 11. коло.
