Есенскиот шампион во Трета лига – Југ, Големо Коњари, за пролетниот дел се засили со четири нови играчи, со кои ќе се обиде да го потврди првото место за освојување на шампионскиот пехар и со тоа обезбедување на баражот за можен влез во Втората лига.
Шпицот Беким Алими и дефанзивецот Филип Кукески во пакет доаѓаат од крушевскиот клуб Питу Гули, есенскиот шампион се засили и со шпицот Ениз Фазлиоски, кој доаѓа од редовите на Слога Лажани, како и со голманот Андреј Димитријески, кој доаѓа од редовите на Ултрас.
Клубот засега го напушит само еден играч, се работи за Ерџан Ибрахими.
Клубот ги започна и подготовките за пролетниот дел од сезоната, ќе бидат одиграни и неколку пријателски натпревари со цел темпирање на формата за вториот дел од сезоната.
