Велешки Борец договори три пријателски натпревари во рамки на зимските подготовки за вториот дел од сезоната во Втората лига.
Првиот натпревар ќе се игра утре против тимот на Арсими, а следните два ќе бидат против Скопје (5. февруари) и Слога Виница (8. февруари). Тренерот Горан Симов ќе има можност да ја провери форма на тимот и да процени какви можности има за пролетниот дел на сезоната.
По разочарувачката есенска полусезона, која ја завршија со само една победа и две ремија, Борец реши да направи неколку значајни промени. За тренер беше назначен искусниот Горан Симов, додека во тимот пристигнаа нови засилувања како Бујар Хајдари и голманот Матеј Андов. Се очекува уште некои нови фудбалери да се приклучат на клубот пред почетокот на пролетниот дел.
Пролетниот дел Борец го отвара против Башкими на гости.
