На 9. март ќе започне пролетната полусезона од Третата македонска фудбалска лига – Исток, а дотогаш третолигашите ќе ја темпираат формата. Есенскиот шампион Слога Виница веќе ги започна подготовките, а во следниот период тоа ќе го направат и останатите екипи. Фаворит за шампионскиот пехар е лидерот Слога Виница, тим кој сака враќање во Втората лига.
Во есенскиот дел беа одиграни девет кола, а девет ќе бидат одиграни и во пролетниот дел, за вкупно 18 во двокружен систем на натпреварување.
Пролетниот дел ќе биде отворен со натпреварите од 10. коло, а во рамки на истото Слога Виница на домашен терен ќе се соочи со Малеш од Берово, Светлост во Зрновци ќе ги пречека второпласираниот Овче Поле, Хоризонт Турново ќе биде домаќин на Дојранско Езеро, Ударник ќе игра против Карбинци во Пирава, а пак Брегалница во Делчево ќе го пречека „фенеријата“ Тиверија од Струмица.
