Тоа што го најави Спортска Мрежа пред неколку денови во Една минута спортски вести се оствари, Јован Дојчинов и официјално е прво зимско засилување на Брегалница од Делчево.
21-годишниот фудбалер веќе е претставен во клубот, откако вчера и официјално беше регистриран на првиот ден од зимскиот преоден рок.
Новото засилување доаѓа од второлигашот Осогово, а претходно Дојчинов настапуваше и за Слога Виница и младинските категории на Брегалница од Штип.
Брегалница Делчево презимува на 4. место на табелата со 14 бодови, а клубот како и што претходно информиравме ќе гради тим и веќе следната сезона ќе се обиде да дојде до шампионското место, а со тоа и да го обезбеди баражот за Втора лига, а се надеваме дека тие баражи конечно ќе станат минута и шампионите во Трета лига ќе имаат директен влез во Втора лига.
Според нашите информации клубот преговара со уште две до три засилувања кои треба да пристигнат во следниот период.
