Второлигашот Вардар од Неготино ги претстави првите три зимски засилувања за пролетниот дел од сезоната, во која клубот сака да го потврди опстанокот многу порано и да има мирна завршница.
Станува збор за Глигор Шиков, голманот Кристијан Ѓорѓиевски и Матеј Јаневски кои го облекуваат дресот на Вардар Неготино.
Шиков пристигна од редовите на Детонит Плачковица од Радовиш, се работи за играчи од првата зона односно одбраната. 20-годишникот Шиков потекнува од младинските погони на Тиквеш од Кавадарци, а беше дел и од Победа и велешки Борец.
Голманот Ѓорѓиевски во Неготино доаѓа од Кожуф, а низ својата кариера 21-годишникот има настапувано за Брегалница, како и за неколку екипи од Германија.
19-годишниот Јаневски доаѓа од Еуромилк ГЛ, каде настапуваше изминатата полусезона, а беше дел и од Тетекс, Борец и Работнички од каде потекнува, а има преку 50 настапи за младинските репрезентации У-14, У-16 и У-18.
Тимот на Горан Тодорчев пролетниот дел го отвара дома против Осогово, што ќе биде вистински тест за двете екипи.
