Ракомет

Охрид сигурен и во Куманово, Ројевиќ и неговите момци впишаа нови бодови!

Сподели
ФОТО: ГРК Охрид
Сподели

Ракометарите на Охрид продолжуваат со успешните настапи во Супер лигата. „Гладијаторите“ се враќаат со цел плен од гостувањето кај Куманово, каде што славеа со 28-24 во средбата од деветтото коло. Избраниците на Борис Ројевиќ уште во првиот дел ја изградија клучната предност, а и покрај обидите на домаќинот да се врати во натпреварот, не дозволија да биде загрозен нивниот триумф.

Охриѓани брзо ја презедоа контролата по почетното водство на Куманово од 2-1. Со серија од пет погодоци направија пресврт за 6-2, а иако домашните успеаја да се доближат на само еден гол (7-6), следуваше нов налет на гостинскиот состав. Предноста повторно порасна, овојпат на шест разлика (13-7), па на полувремето Охрид имаше комотни 16-11.

Во продолжението гостите дополнително ја зголемија позитивата и стигнаа до највисоките плус осум (20-12). Куманово, сепак, не се предаде и преку бековската линија и расположениот нов пивот Густаво Фереира успеа да ја намали негативата. Во 43. минута резултатот гласеше 21-17, а десет минути пред крајот домашниот тим сè уште беше на четири гола негатива (24-20). Охрид на време одговори со два погодоци и ја одби последната закана, сигурно приведувајќи го дуелот до крај.

Во домашниот состав најмногу се истакна новото засилување Густаво Фереира, кој дебитираше за Куманово оваа сезона и имаше перфектен учинок од седум гола од исто толку обиди. Наум Костов постигна пет, а Карим Закарија четири погодоци. Во тимот на Куманово го немаше египетскиот бек Хамза Мамду.

Кај Охрид, Мартин Карапалевски и Адама Кеита завршија со по четири реализации, додека Тилен Штрмљан, Доминик Мате и Мартин Ивановски постигнаа по три гола.

Со новите бодови Охрид стигна до вкупно 15 од девет одиграни натпревари и привремено се искачи на четвртата позиција, со напомена дека колото сè уште не е комплетирано. Куманово останува на три бода. Во следната рунда охриѓани ќе го пречекаат Младост Богданци, додека Куманово го очекува гостување против Струга.

Сподели
Напишано од
Сања Секулоска -

Сања Секулоска е спортска новинарка во Спортска Мрежа. Секулоска по професија е магистер на економски науки, која започнува од хоби кон новинарството конкретно во ракометот. Секулоска го следи и европскиот ракомет.

Не пропуштајте

Ракомет

Алкалоид сака европско продолжение по големиот триумф над Пелистер!

Ракометарите на Алкалоид со позитивна атмосфера и дополнителна самодоверба го очекуваат следниот европски предизвик, откако остварија значајна победа во дербито против Еурофарм Пелистер....

Ракомет

Блажески за Спортска Мрежа: Фаворити сме, но мораме да дадеме 100% на двата натпревари!

ГРК Охрид го очекува нов европски предизвик во третото коло од ЕХФ Европскиот Куп, каде што за противник го има литванскиот Драгунас Клаипеда....

Поврзани написи
Ракомет

Алкалоид сака европско продолжение по големиот триумф над Пелистер!

Ракометарите на Алкалоид со позитивна атмосфера и дополнителна самодоверба го очекуваат следниот...

Ракомет

Блажески за Спортска Мрежа: Фаворити сме, но мораме да дадеме 100% на двата натпревари!

ГРК Охрид го очекува нов европски предизвик во третото коло од ЕХФ...

Ракомет

Вардар го скрши отпорот на Мулти Есенс – Фадуил со 11 гола го предводеше шампионот до нова победа

Ракометарите на Вардар 1961 ја оправдаа фаворитската улога на гостувањето кај Мулти...

Ракомет

По Еурофарм Пелистер, европски испит: Алкалоид има три дена до Горење

Победата над Еурофарм Пелистер со 30:28 му даде силна увертира на Алкалоид...

✕
error: Содржина е заштитена! Се забранува копирање на истата!