Ланскиот второлигаш Преспа никако да победи, ново реми за тимот од Ресен, откако во гости одигра 0:0 против Напредок од Ношпал, во натпревар од 4. коло на Трета лига регион 5.
Влазними на домашен терен со 2:1 го доби Демир Хисар на крилата на Аљтин Лога кој постигна два гола, а за гостинот во 64. минута гол даде Стевче Ангелевски.
Голем дебакл за кичевски Напредок, кој загуби со убедливи 4:0 од Могила. Домаќинот одигра одличен натпревар, откако Мики Талевски го отвори резултатот за 1:0, на полувреме, а во вториот дел погодија Андреј Петровски, Андреј Ристевски и Дарио Бендеровски.
Кравари доживеа пораз на домашен терен откако загуби од Баир Спорт во меч кој понуди пет гола за конечни 2:3. Хакан Алимовски во 25. минута го отвори резултатот за водство на домаќинот од 1:0, а до крајот на првиот дел Филип Стојковски и Никола Лаковски обезбедија пресврт од 1:2.
Во вториот дел Лука Лаковски во 63. минута обезбеди предност од 1:3, а конечни 2:3 ги постави Алимовски со втор гол во 85. минута.
Караорман го доби соочување со Света Троица, стружани беа подобри од Охриѓани во гости со 2:3. Првиот дел понуди два гола, а домаќинот преку Дарко Цветаноски во 22. минута имаше 1:0, а во 44. минута Давид Карамачоски погоди за 2:2.
Во вториот дел се случи комплетен пресврт за водство на Караорман од 1:3, откако Лука Богдановски и Ангел Крстески постигнаа погодоци, а пак домашниот состав преку Бобан Кузмановски во 73. минута ги постави конечните 2:3.
Вчера, Влазерими славеше над Крошу Спорт, извештајот на Спортска Мрежа за овој меч е достапен овде.
