Македонија вечерва ќе се обиде да стави крај на резултатската криза со триумф над Шкотска, но и да се стави крај на „сушниот период“ без постигнат гол.
Репрезентативецот на Македонија, Јани Атанасов, пред вечерашниот дуел со Шкотска, потенцираше дека атмосферата меѓу фудбалерите е одлична и се надева на позитивен резултат.
„Секако дека има незадоволство по два порази, но откако сум дел од националниот тим не се сеќавам да било лошо и некој од играчите да не се залагал. Атмосферата меѓу нас е одлична и се надеваме на позитивен резултат. Нашата сила е колективот“, истакна Атанасов.
Натпреварот на Националната арената „Тодор Проески“ започнува во 20:45 часот, главен судија на натпреварот ќе биде Франсоа Летексје од Франција.
