Детонит Плачковица славеше со 2:0 против Беласица во денешниот пријателски натпревар одигран на Градскиот стадион во Радовиш.
Контролниот натпревар беше искористен за време на репрезентативната пауза, со цел двете екипи да го одржат натпреварувачкиот ритам, но и да ја проверат формата пред продолжението на сезоната во Втората македонска фудбалска лига.
Радовишани го решија натпреварот во своја корист со головите на Стефан Бабунски и Филип Димоски, за конечни 2:0.
Бабунски погоди за водство на еден гол на полувреме, а во вториот дел Димоски стави печат на победата со гол за конечни 2:0
По оваа проверка, екипите ги очекува уште една недела подготовки пред враќањето на првенствените обврски. Натпреварите од седмото коло на Втората македонска фудбалска лига се закажани за следниот викенд, на 10 октомври.
Детонит Плачковица ќе има домашен предизвик против Кожуф, со кој ќе се обиде да стави крај на серијата од три последователни првенствени порази и да се врати на победничките патеки.
Беласица, пак, по серијата од четири нерешени натпревари, ќе бара триумф во дербито на колото против Пелистер.
