Спектакуларен старт на сезоната во Втората женска фудбалска лига, со убедливи победи на Ржаничино и Топ Гол, а во центарот на вниманието се најдоа Теодора Јанковска и Мила Коњановска со импресивни голгетерски учиноци.
Ржаничино, кој оваа сезона дебитира во второлигашката конкуренција, на одличен начин го започна настапот, совладувајќи ја Победа со убедливи 12:2 во Валандово. Домашниот тим од самиот почеток го диктираше темпото, а најзаслужна за високата победа беше Теодора Јанковска, која постигна дури осум гола.
Во листата на стрелци за Ржаничино се запишаа и Мила Наумовска со два гола, како и Љубица Асановиќ и Мирјана Ѓеровска со по еден погодок. За Победа од Валандово двата гола ги постигна Ива Бајлозова.
Убедливо стартуваше и ланскиот прволигаш Топ Гол, кој на гостувањето во Охрид славеше со 0:13 против дебитантот Топ Грлс.
Битолчанки уште во првото полувреме ја најавија победата, кога стекнаа предност од пет гола, а во вторите 45 минути продолжија во ист ритам.
Главна фигура во победата беше Мила Коњановска, која постигна дури седум гола. Сара Стевановска се запиша пет пати во листата на стрелците, додека по еден гол постигнаа Тиана Вучева и Тамара Давчева.
Така, Топ Грлс го запиша најубедливиот пораз во првото коло, без постигнат гол, додека прими десет погодоци.
Вчера, Билјанини Извори славеше над Плачковица, а пак Менада го доби Башкими во Слупчане. Извештајот на Спортска Мрежа за овие натпревари можете да го прочитате овде.
