Превалец се израдува на домашна победа од 3:0 над Ултрас, со што го поправи впечатокот по големиот пораз во првото коло.
До победа во рамките на 2. коло на Трета лига Регион 4 екипата на Превалец стигна преку головите на Давид Спиридонов и Ордан Нешов кои погодија во првиот дел и Лука Наумов во вториот дел.
Венец го декласираше Млекар на гостински терен славејќи победа од високи 1:6. Хет-трик постигна Петар Ристовски, а по еден гол постигнаа Мартин Цветков, Кирил Неделков и Ѓорѓи Шишков. За домаќинот единствен стрелец беше Горан Илоски во 48. минута.
Борец успеа да го освои Крушево и да ја оправда фаворитската улога откако славеше победа од 1:3 над Питу Гули.
Пеце Стојанов постигна гол во 5. минута за водство од 0:1 на полувреме на велешани, а потоа Марио Наумовски во 68. минута зголеми на 0:2. Во 73. минута од средбата Ѓорѓи Стрезовски намали на 1:2 и на момент ја врати неизвесноста, барем до 87. минута кога Стојанов со втор гол го реши победникот.
По одличниот старт и високата победа екипата на Бучин загуби на гостување кај Росоман со резултат од 3:2. Домаќинот со голот на Кристијан Јованов имаше предност од 1:0 на полувреме.
Во вториот дел Стефан Костовски зголеми на 2:0, а потоа следуваше израмнува на 2:2 со головите на Виктор Глушевски и Бојан Мицески, кој погоди во 68. минута. По две минути Кире Димков стрелаше за 3:2 со што трите бодови останаа дома.
На „Цвај арената“ во Неготино се играше дербито на двата лански второлигаши, Големо Коњари со 1:2 славеше над Вардар Неготино и тоа со погоди во самиот финиш. Домаќинот забележа пораз во самиот финиш.
Оливер Тодоров во 13. минута донесе предност за Вардар Неготино, а пресвртот се случи откако најпрво во 89. минута Емир Каришиќ израмни на 1:1, а во 91. минута Беким Алимоски постигна гол за конечни 1:2 и големо славје на Големо Коњари.
Како што веќе објави Спортска Мрежа, вчера Победа го декласираше Влазними Јуниор, а пак Победа од Пепелиште славеше во Чашка, извештајот за овие мечеви е достапен овде.
