Второто коло во Трета лига регион 6 донесе многу погодоци на сите натпревар, а единствениот меч без погодоци беше дуелот на Доброшти и Скендербег (0:0) за делба на бодовите.
Гостивар славеше голема победа на Градец со резултат од 0:6, каде четири погодоци беа дело на Генц Гаши, а по еден гол постигнаа Агон Љуши и Бамир Алиу.
Дрита од Боговиње со „петарда“ над Речица, победа од 1:5 на гостински терен. Во првиот дел погодија Ендрит Аламини и Брендим Рушити, а во вториот дел Арсим Рамадани, Адриан Исмаили и Шпенд Асани, за домаќинот единствен стрелец беше Артан Зеќири.
Џепчиште ја израдува домашната публика со победа од 4:2 над Љуботен, со што гостинот го претрпе првиот пораз. За домаќинот стрелци беа Агон Селмани, Ментор Саљиу и Адриан Беќири, а за гостинот погодија Марјан Симјаноски и Филип Аризанкоски, а пак Ангел Апостолоски си поднесе оставка.
Јехона беше поразена на домашен терен од Лирија во меч со осум гола, за конечни 3:5. Искусниот Изаир Емини постигна два гола за домаќинот, а првиот гол беше дело на Гент Амети. За гостинот Ердин Џеладини и Арлинд Алији беа двојни стрелци, а еден гол постигна Недим Абази.
По чистите мрежи во првиот дел Кораб во второто полувреме славеше над Цетинска со 2:1. Един Мерсовски и Емсал Рашид беа стрелци, а за гостинот во 90. минута за ублажување на поразот погоди Лорик Љика.
