Фаворитот Илинден славеше висока победа од 7:1 над Ржаничино на домашен терен во рамките на 2. коло на Трета лига регион 1.
Двојни стрелци во високата победа за фаворитот беа Антонијо Крстевски и Давид Ристовски, а пак по еден гол постигнаа Кристијан Чурлинов, Матеј Божиновски и Бурхан Алији.
За гостинот единствен стрелец беше Стефан Богдановски кој погоди во 80. минута од средбата.
Мечот меѓу Студеничани и Беса Сарај заврши без победник, но и без погодоци (0:0) за делба на бодовите.
Аеродром со головите на Петар Давитов и Петар Тодоровски обезбеди победа од 0:2 на гостувањето кај Марино.
БВК Коњаре славеше домашна победа над Башкими Љуботен со резултат од 3:1, со двата гола на Руфат Чалафи и голот на Газменд Љамалари, а пак за гостинот погоди Албан Алија во 85. минута.
Кул Здравје и Њу Старс ги поделија бодовите во меч кој заврши со резултат од 2:2. Никола Јовановски во 6. минута донесе предност за домаќинот, а во вториот дел Лука Тасевски во 60. минута израмни на 1:1. Сепак, по седум минути домаќинот со голот на Јорго Цаца дојде до нова предност од 2:1, а Марко Тренески во 75. минута ги постави конечните 2:2.
Новајлијата Перпарими Нигиштан се израдува на триумф славејќи со 2:0 на домашен терен во Волково над Фортуна. Бурим Сулејамини во 37. минута донесе предност од еден гол на полувреме, а во вториот дел погоди Амар Фејзулаи во 68. минута конечни 2:0.
