Галевски: Подготовките се одвиваат добро и се надевам дека спремни ќе го дочекаме стартот на Светското првенство!

Младиот голман на Македонија, Иван Галевски, изрази задоволство од текот на подготовките, нагласувајќи дека сè тече по план.

“Чест и задоволство ми е што сум дел од овој колектив. Нѐ очекува еден голем предизвик, но тоа не треба да ни претставува притисок, напротив еден мотив плус за да секој го даде својот максимум. Подготовките се одвиваат добро и се надевам дека спремни ќе го дочекаме стартот на Светското првенство”, рече голманот Галевски.

Репрезентацијата ќе се натпреварува во групата Д, заедно со репрезентациите на Унгарија, Холандија и Гвинеја. Натпреварите ќе се играат во Вараждин, Хрватска.

Првиот натпревар на Македонија е на 15. јануари против Унгарија, вториот на 17. јануари против Холандија, а третиот на 19. јануари против Гвинеја.